واروب قانونلرى اول محلده بر شهر عظيم و يا بر حصار چكمكدر فى الحال ايكى اوچكون ده بالچقدن بنا ايدوب و اطرافنه خندق كسوب و در و ديوارلر وضع ايدرلر و كفايت مقدارى عسكر قيوب و ايچنده لشكر ايچون عمارتلر و بازارلر و محله‌لر و حوليلر و ديوانخانه‌لر و كليسا و باشخانه و مسافرخانه و جميع اهل حرفدن شهرى مالامال ايدرلر و از زمانده اسلوب مذكور اوزره بر شهر بنا اولنمقدر و ديوارلر طپراقدن اولديغندندر و اول ديو كارادم صفت عسكرك قاعده‌لرى بودر كه بر منزله كلسه‌لر وانده اولكيجه ياتمق ايجاب ايتسه البتده بر شهر و يا بر حصار فلك استوار بنا ايدرلر اكر هيچ ايشلرى اولمسه اول منزلى بىنشان قومازلر هيج اولمز ايسه دور لشكر ظفر رهبره خندق كسرلر اكر اول منزل طاشلق ايسه عسكرلرينك اطرافنه طاشلرى جمع ايدوب ديوار مثال ايدرلر و يا خود بلوك بلوك طاشلر يغارلر كه بعد زمان اول محله هر كيم كلسه بله كه اول منزلده سابقا لشكر خطا نزول ايتمشدر و هولناك واديلرده شهرلر يايمق و بر ايلق خوفناك يرلرده خندقلر كسمك خطاييلرك كاريدر و دريا جانبندن كه اطرافى التى ايلق يولدر هر منزلده شهر و حصار متصل اولوب و جمعيسنده لشكر و جميع مهمات و اسباب جنك حاضردر اكر بر جانبدن عدو ظاهر اولسه جواب ويررلر و لشكر خطانك هر قسمى اهل قلماق ايله ايكى اوج سنه ده بر حرب ايدوب بر مقدار برلرينى الورلر والدقلرى محله در حال شهر و حصارلر بنا و خندقلر كسوب ضبط ايدرلر و اهل اسلام حسابى اوزره بشيوز ييل كه خطاييلر اعتبارى اوزره بيك ييلدر هر قسمك اعمارينه سعى ايتمشلردر و الله اعلم بالصواب ملك چينك اون ايكى قسمنى بيان ايتدك اون اوچنجى قسمى دخى قلماقدن الدقلرى يرلردر كه ذكر اولندى حالا بو زمانده زمين قلماقى اول جماعته خطاييلرننك ايدوب و خاقان چين ايله صلح و شرط ايلديلر كه بعد زين خاقان چين قلماق زمينه قصد ايلميه‌لر سببى بودر كه قوم صحرا چوغالوب هر ييل علفزار ايچون نخطاييلر كروه كروه ايله عظيم جنك و جدال ايدوب قيل و قالدن خالى اولمازلر اكر اول فرقه‌نك مابينلرنده واقع اولان حرب و مقاتلات بيان اولنسه سوز دراز و ملاك خاطر كوش‌انداز اوله جغندن كنار اختصار اختيار اولندى و اهالئ چين ديرلر كه بو ديارك ابتدا بناسندن نيجه بيك ييللر دركه اصلاحر ابلق كورمدك و طوفان